2024an AHIDAk 25Â urte beteko ditu.Â
1999an sortu zen, Idoia Loroñok (Ahida elkartearen fundatzailea) ADHNa ikusarazteko elkarte bat sortzeko premia identifikatu zuenean, horren bitartez nahasmendua zuten seme-alabak zituzten familiei laguntza emateko; fundatzailearen alabak, hain zuzen, ADHNa zuen.
Lan asko egin behar izan da 25Â urteotan.
Nahasmenduari buruzko informazioa zabaltzea funtsezkoa izan da gizarteak ezagutu dezan, eta, horrela, familien eta diagnostikoaren arteko bide-gurutzea igarotzen errazteko eta gizarteak nahasmendua duten pertsonei ulertzeko.
Lan egin den urte guztietan zehar, asko dira lortu direnak. Irakasleei prestakuntza emateari eta Eusko Jaurlaritzako Hezkuntza Sailarekin izandako bilera luzeei esker, ezagutza eta tresnak eman zaizkie aurrez horrelakorik ez zuten irakasleei, eta gure seme-alabek beharrezkoak dituzten egokitzapenak eskuratzea ere lortu da horren guztiaren bitartez. Osasun Sailarekin egindako lana garrantzitsua izan da, eta jarraitzen du izaten, txikiak direnetik diagnostiko onak lortzen saiatzeko.
Hala eta guztiz ere, lan ugari dago oraindik egiteke. Nahiz eta 1999ko hastapen horiez geroztik aurrerapen nabarmenak izan, oraindik ere zenbait prestakuntza eman behar zaizkie irakasleei, askotariko bilerak izan behar ditugu Osasun eta Hezkuntza Sailekin, eta familiei ere zenbait prestakuntza eta tailer eskaini behar dizkiegu, horren guztiaren bitartez lortzeko ADHNa egunero pairatzen duten pertsona guztien bizitza (neska-mutikoena, nerabeena eta helduena) gero eta errazagoa izan dadila, eta frustrazioko eta ulertezintasunezko une gutxiago izateko ere bai.
Azkenik, eskerrak eman nahi dizkiogu, lehenik eta behin, Idoia Loroñori, fundatzailea eta etengabeko kolaboratzailea izan den aldetik, eta, horrez gain, urte hauetan guztietan zehar lan egin duten eta esfortzu eta ardura handia jarri dituzten pertsona guztiei, beraiei esker lortu baita ADHNa duten pertsonen bizitza askoz errazagoa izatea duela 25 urteko egoerarekin alderatuta. Hori dela eta, jarraituko dugu bizirik mantentzen ADHNa duten pertsonen aldeko defentsa, eta jarraituko dugu beharrezko laguntzak eta tresnak bilatzen, lortzen eta eskaintzen.
